Takengon-wartagayo.com
Hasrin Z Bersah
Gere kerna simen ulung renye uwahpé delè
Enti galaktu éngon mulo gelah selèsè
Enti beharap ku mutik wan tangkè
Gere kasé béwénè munemah tuah
Betul longoh ke munéngon rubu è
Gerené usik si méwén tuyuh è
Tikik salah è gere mutaon serè
Sawah nyanyaè sahanpé si singah
Bierpé kaol kasé batang è
Tamah mien cabang murungkè-rungkè
Ike nge perdu i rilingi karè
Delè pé beje è mepat we si sawah
Gere kerna uyet tegep ni sesuk è
Ari kuen kiri rupen ara penupang è
Pora iyopi kuyu teridah téwah è
Ike makin gaéh badè nge turah murebah
Lemipé pucuk mujerilep arna è
Nge turah i ujung nisé pari è
Renye muleno ike ara si bejuntè
Ku polok beluh è ike orom si pacah
Bier inih bereden ke menurut keber è
Selo mera uwet ike bedatè
Baro muhasil ike jeroh urus è
Turah mien panè si munetah è
Takengen, 21 Juli 2024
