Takengon-wartagayo.com
Hasrin Z Bersah
Bisemu gerene ara
Kutubuh rembege gerene murasa
Raneh emis gerene nyanya
Mununung masa wan penomenen
Bedenmu gerene letih
Mukunul uwet gerene besapih
Beresot gerene kuiwih
Temetap besingkih kupapan iserenen
Beluhmu wan lao terang
Tenenge keber nge gerene berulang
Gintes gerle dede muguncang
Jaril remenang lauh beramuren
Biak saudere bewene sawah
Sijarak dekat nge meh teridah
Kire imaafpen segele salah
Pinte ku Allah buge iampunen
Iwanni senye kami mujule
Beriring naru wan iyo lao
Munemah dene Ama nge mulo
Ari Tuhente beta ketentuen
Mupinah tempat besilo ari kami
Gerene teridah sikami kalei
Osop ari mata lagu wanni nipi
Cengang kuen kiri rupen kenyataen
Ikhlas rum seber kami bewene
Aha nge beta sawah janyie
Buge mutentu kase taonne
Mulie tempatte iosah Tuhen
Mari semiang kami tatangen pumu
Do’a sitiro kiremi mutuju
Pinte ni ate anak urum kumpu
Luesmi kuburmu ari sikse i jaraken
Timang Gajah, 01 Agustus 2021
