Hasrin Z Bersah
Perempat menet singahi lebah
Harumpe i tamah ku tangke simude
Muharap kuyu munemah kisah
Wan uren serlah galak besene
Bunge silemi munaso uwah
Mutik teridah wan ulung ijo
Punenimo beruren basah
Perdu mutewah idaringi lao
Junte menye wan porak munyerlah
Leno munenah ku si suke
Sikerna tejerip uwak ni gerah
Ahere benemah muketike
Munanguk teniron gere beerah
Wangi mutamah janyi pemulo
Mubilang lao mujadi kisah
Taringne nemah geniring ni senye
Kuulen renye munerah
Bintang pe sawah renye munyino
Osop bahgie nge timul gunah
Gerene sawah keber simungune
Taring tene wan ulung serilah
Layu teridah ulung siijo
Sikerna gere mujegei amanah
Gere ne kemang kao bunge
