Takengon- wartagayo.com
Hasrin Z Bersah
Jep senuen ni jema mumaral uwah
Gere nguk teridah renye munene
Tetut gerinem ke gere i osah
Laing kekuah gere berede
Wan mumutik gati singah
Ku sidele teridah sabe munyino
Sesire remalan munetah langkah
Matape juah ku sire bekekire
Selang serlo renye mutenah
Siturah sawah ku duduk ni têngê
Cerak sene sesire berakah
Taringen nemah ku owas ni rege
Kul kucak bewene turah
Tasak matah mengkal mude
Turah mutentu gere nguk salah
Mera kin masalah ke gere sedie
Bibes ni kiding pumu pe pacah
Gere ilen i jurah renye mujangko
Ike lememtu kase munosah
Dengki amarah upet gere pure
Ike ara kase laing munungkah
Bage si sawah simen si mungune
So i turuh ini i pepegah
Ke gere itetah mera kin bele
Takengen, 11 Mei 2026