Aceh Tengah- wartagayo.com
Hasrin Z Bersah
Sana si teturuh
Rasa i ate gerené uluh
Delè pé kasè bepembubuh
Selo ne ruh ke beta cara e
Sana si pepegah
Mukiletpe gerené munyerlah
Kona wih ni nami renye basah
Ke makin wih mugemboyah kune renye pari e
Sana si peperi
Luah ni cerak delènen kemali
Delènen cogah orom upet caci
Ke makin janyi nge ingkeri e
Sana si tetemeng
Wan dene lempang ralan mereng
Gere ne tepat ulu musengeng
Sabè kona koreng kusihpe beluh e
Sana si tetatang
Selo atas bier wan pematang
Nik ike nge bejujang
Udah mujerangkang mempas aher e
Sana si gegaya
Dele nume kerna ara
Suep ni awah penyulang ni jema
Buet beperala mepat empu e
Timang Gajah, 14 September 2024
