Hasrin Z Bersah
Elés bereélés si musi musi
Keléh bekeléh i bagi bagi
Tumpuk betumpuk si rai rai
Enti i mai si nume jatahte
Sikah besikah si mepat mepat
Recak berecak i sapat sapat
Kamul bekamul rapat rapat
Enti i jangkat si nume nemahte
Tiro betiro si bayak-bayak
Jangko bejangko si galak-galak
Rebut berebut i tulak-tulak
Enti i tunyak si nume baginte
Edang berédang si jurah-jurah
Jamut bejamut i osah-osah
Tegu betegu si érah-érah
Enti i pinah si nume iarapte
Tuni betuni si jeroh-jeroh
Kemas bekemas si reloh-reloh
Cogah becogah i gomoh-gomoh
Enti i senoh si nume hakte
Rai berai si tiro-tiro
Tunung betunung i jule-jule
Jurah bejurah si tene-tene
Enti i golo si nume ni kite
Takengen, 2 Juni 2024.
Aharuddin
