Hasrin Z Bersah
Aceh Tengah -wartagayo.com
Anggota tujuh munaos ulah
Mukunah tubuh rembege
Gerene tepat mununung amanah
Mupinah janyi simulo
Betulak deki urum awah
Luah laing sempolo
Gati tangkuh cerak kekuah
Cogah sampe murime
Besitegun pumu mujurah
Munosah gere muhinge
Munuet bidik berolah
Sisawah mukerat tige
Itunung kiding mulangkah
Singah ku sirelem telege
Peruluken gere ne ierah
Jamah wan melem bute
Tejem mata munerah
Musorah si nge betaso
Iengon sigere nguk teridah
Juah galip pusesino
Ari kuyu kutenenge sawah
Luah gere beperse
Betulpe mera salah
Mubah kona gegebe
Isi ni tuke renye iperah
Beperngah bewene terime
Gere mubetih tasak matah
Kering basah sabe mumango
Sinaru telak iseserdah
Mucelangah sabe beruke
Gere ne mepat taonne singah
Jep umah tingok munyino
Munimang ate mumilah
Itetah padihne simugune
Idenie ike nge salah
Teridah iakherat lang so
Aceh Tengah 2026
