Hasrin Z Bersah
Takengon-wartagayo.com
Munene isi ara belang
Isi murime renye mumancang
Pepanyi renye i pasang
Tene bejuang turuhen setie
Ku paluh renye benemah
Ku bur gere lupen munosah
Gere lupen ku béwéne singah
Kati teridah sabe mugune
Ku semelah so renye bejanyi
Ku semelah ni pe renye nuruhen bukti
Nosah harapen ku kuen kiri
Enti ne sangsi sabe sedie
Gati menep wan jema dele
Turah telas sesabi dirie
Munanto atè turah pane-pane
Kati béwéne murasa suke
Ku béwéne turah jeroh
Kusihpe besere kati longoh
Pane-pane ke turah pe mugomoh
Kati enti mehmoh tekala bekune
Kusi beluh renye berunger
Kusi singah renye munyeder
Pakat sisu gere inger-inger
Enti sampe mukeber kati enti kin dewe
Takengen, 5 November 2024
