Hasrin Z Bersah
Takengon- wartagayo.com
Eles bereles si musi musi
Keleh bekeleh i bagi bagi
Tumpuk betumpuk si rai rai
Enti i mai si nume jatahte
Sikah besikah si mepat mepat
Recak berecak i sapat sapat
Kamul bekamul rapat rapat
Enti i jangkat si nume nemahte
Tiro betiro si bayak bayak
Jangko bejangko si galak galak
Rebut berebut i tulak tulak
Enti i tunyak si nume baginte
Edang beredang si jurah jurah
Jamut bejamut i osah osah
Tegu betegu si erah erah
Enti i pinah si nume iarapte
Tuni betuni si jeroh jeroh
Kemas bekemas si reloh reloh
Cogah becogah i gomoh gomoh
Enti i senoh si nume hakte
Rai berai si tiro tiro
Tunung betunung i jule jule
Jurah bejurah sitene tene
Enti i golo si nume ni kite
Juni 2025.
