Hasrin Z Bersah
Takengon- wartagayo.com
Pelin kuah mepat we usi
Gere teparal wan ni kenduri
Galip pekucip jema sirami
Upet caci si begeli ate
Gere ne king ikot ni tali
Putetegu sesabi diri
Geh ni retep renye ku meri
Bala bili si male beranye
Nge mubah warna ni pepanyi
Cules wan peden ingker wan janyi
Gerene rata bagi ni tepung kanyi
Renye i cari si bage-bage
Gerene kona gecep kelati
Mepat pinang rupen si galaki
Osop nge bako si kin sugi
Belo bepari sahpe muguneie
Kilet munyemer ari kuen kiri
Gegur mugunte laing ni pungi
Mulo behu munuruhen diri
Besilo tah kusi tunine dirie
Waktu beluh gere itonai
Wan beketier gere tempuhi
Teka ulak orom murai
Turuhen diri ulah orom sabe
Takengen, 22 Mei 2025
