Takengon – wartagayo
Hasrin Z Bersah
Ike oya sahanpé geh nge turah oyongie
Asa si galaki e munaos karu
Makin keras ike arap jema delè
Gepilne ukie besere ku pintu
Gere tetemet nisé rongoke
Mera runtakne pusesentur ulu
Ringkel-ringkel we buete
Sigere pas ku pedel e renye nangung naru
Olokdi juah nise penengone
Ilang ni mata e lagu besi betunu
Gere nguk telas si mubeda curake
Renye kekorie sanahpe demu
Gati mubengak nise yunge
Dum bibese ike ara si bau
Kuso kini renye salitie
Jep-jep dene delè besebu
Mujegei umah dum sunguhe
Gere mera jawe bier mutetuker empu
Gere nguk mesot nise palunge
Kerna pakane tora ni jamu
Takengen, 22 September 2024
