Takengon-wartagayo.com
Tabi keta pemulo kusebut
Kusilayak patut biak saudere
Udah kase ara sikona sikut
Enti nye muringut kerna gere sengeje
Ari keras ni kuyu batang pe megut
Uyet mujergut secara tibe tibe
Ike cerak sitangkuh lagu ling ni utut
Aran bau sengkiut munaringen mice
Perupuhen ike gere patut
I engon runut gere ne tertuho
Ike i seluk baju nyunyut
Lagu kaming ranut kona wih sara time
Si terime labang lepas i sangkut
Gere daleh ipunyut ujung ni ruje
Iket ni pingang enti sampe muperlut
Kati enti tetakut munuruhen rupe
I jeje simera lagut
Kati enti bangkrut munosopen lebe
Gere bewene senuen nguk bejergut
Kati enti mukerut uah si ijo
I sulang ku awah gelah silemut lemut
Kati enti burut isi ni tuke
Ike terih salak munaringen parut
Enti berangut iwanni dewe
Takengon, Hasrin Z Bersah.
Aharuddin.
