Takengon- wartagayo.com
Kullen cerak daripada buet
Kona ku hakiket gere bewene
Ringkel awak i pasang jimet
Ke antena konot gatin osop we sinyale
Rede i timang renye i suket
Tetah mien besipet kati mutentu narue
Dep beta i degén gere we pedet
Selo mera beret delepe isie
Mungenaken ara ketier kiset
Selo mendepet ike bedate
Dep uwah renah turah bejingket
Kune male munuwet si atas batange
Laing siluah gatinen nupet
Meh musuet kero kepile e
Gere penah sunguh sabe munilet
Kekire singket tangung akale
Tumungni pakat gere penah bulet
Bierpe nge mikot ujung ralike
Gere lempang muloni niet
Gerené muninget kin manat petenah e
Gere bejenta gere teging ongot
Dum si lumpet isipe teduhe
Kuso munyiluk kuini mujojot
Lagu mupiet sagi ni keredeke
Merake die jeroh inih besumpet
Wan tanoh liet besenuen dele
Tegep ke die pari ni uyet
Deledi si liwet munengut perdue
Takengen, 2025
