Hasrin Z Bersah
Takengon-Ike cerak nge bau som
Tebetih we bierpe besongom
Kekire sabe murengom
Bierpe nge sobom isi nawah e
Ike termulo pari ni nesu
Osop akal kekire mutumpu
Kusihpe morom mujadi seteru
Bierpe ganti sempelu oya we pel’oh e
Ike tuepe perumuren
Gere tentu wan pemikiren
Buet sumang nge ikadimen
Bierpe uwen nge mumah i ulu e
Ike ate munajis bathin
Gere mutungkelen osop pendirin
Mubeda buet orom si perin
Bierpe i nirin nyanya munetah e
Ike kekire gerene jeroh
Pemikiren singket akal teroroh
Nge kullen cogah orom gomoh
Bierpe mukoboh sagi ni awah e
Takengen, 22 Januari 2025
