Takengon-wartagayo.com
Hasrin Z Bersah
Ngamuli seteru si mukemiring ilang
Tunyak berarang gere berede
Benger ulu ike jema senang
Gere mera kemang bise rembege
Pukekadu buet nge terang
Cerak mulang-ulang sijejule
Meh mugedok bewene silempang
Mubaji selang bierpe ku sudere
Peamuh-amuh galip putetatang
Teger isang kullen sempolo
Tekala murensuh pugegerantang
Akal kurang konot kekire
Ari tumpuk dele nge musirang
Nge meh rengang gerené musede
Tipak dagu si dele pecengang
Buet sumang gere ara si suke
I kekusuk baro girang
Uki cikang munosah tene
Ike osah ngunuli ampang
Bèwène terang segele resie
Laletu orom pakan besulang
Bierpe si edang oya-oya seje
Gere genap isi ni dulang
Tamah simubuntang tora ni tuke
Takengon, 7 Januari 2025
