Hasrin Z Bersah
Takengon- waratagayo.com
Retak ni pumu mu pusaka
Munamat bawar si munahma
Penulang ni pekara
Terang mucaya ringkel rembege
Jirim jisim layak laku
Peri manis bijak mutentu
Orom rara gere museteru
Dame rom kuyu si mugegebe
Tegu garis mepat benyer
Setie mununung gere musier
Gaeh ilamat wan pestak ni pejer
Matanlo mubiner munosah tene
Juel murege itimang beret
Munetah tentu musuket sipet
Mubudi pekerti atas derjet
Gere ilet tetap setie
Kayu rubu pelongohen
Daling kolak seserenen
Gere manut i pelipenen
Munemah jelen gere mukulukie
Remalan termulo murentang tali
Kunul teruken mumutusni peri
Penetah tentu kin jema rami
Si ipemeliei isihpe semile
Besilo nge terang kin ulu rintah
Ari rayat sidele gaehni amanah
Janyi mutulis wan kertas serilah
Buge puren mutetah megah nenggerite
Kute Reje, 5 Maret 2025
