Hasrin Z Bersah
Mu bur tenamun ni kekire
Bage murike lao ku ingi
Gere jenta wan porak lao
I wan melem bute mujadi nipi
Kekendiri mejen pukekune
Ara ke die ikot simeri
Muluah kadang ari punce
Gaeh ni tene olok pedi gati
Betetaki orom bahgie
Mejen murupe merawe temuni
Tekala gaeh begintes gerle
Tengah wan gure munosopen diri
Misi ilen waih ni telege
Gere bang kire ara musuri
Betibuk asa orom time
Sikerna buke osop orom keni
Ulak beluh mepat bejule
Osah betiro si turah i rai
Gere kire mukulukie
Gere kin bele sekirepe muhali
Jarak asa ari semperne
Gere bewene sitiro lepas i anguki
Merawe awal bun kin kero
Mejen gulepe gerene lungi
25 Juni 2025
