Hasrin Z Bersah
Takengon- wartagayo.com
Cerak kin penetah
Buet mungunah
Jeroh siteridah
Kin cogah ku si dele
Laing nge kekuah
Kekire pe renye munungkah
Ku si tuju gere ilen sawah
Gere ne sara arah wani bedene
Tepok betetingkah
Lagu ayu nge i emah
Lupen kin sejarah
Renye iubah isi ni saer e
Teku pane ilen benemah
Beben beret enti renye iosah
Biasa sabe bejurah
Renye kul kesah pora mulebih tenemenge
Salit nuninen salah
Peri gerene amanah
Ingker kin si tersurah
Puleluah si beserit mate
Beramik pumu sisara langkah
Sibegeli menep teridah
Sara sagi munaos ulah
Gere tuho pegah kekemel dirie
Takengen, 18 Mei 2025
